|
Danter les scomenciadies de DolomitArt él ince n concurs fotografich y le pest spezial dla Fondaziun Unesco DoloMystic. DolomitArt é n proiet che á le fin da sotligné les particolarités esistenziales, culturales, emozionales y spirituales dl liam danter la porsona y les munts. De conseguënza vëgnel metü da jí de plü scomenciadies por colié la creativité ala proteziun dl ambiënt y ala manira de vira alpina cun n'atenziun particolara al'area dles Dolomites patrimone mondial Unesco. Inann é les tematiches prinzipales les liëndes y la magia dles munts. Öna dles scomenciadies é ince n concurs fotografich che vëgn organisé dal Comitê por l'istruziun de Toblach adöm ala biblioteca "Hans Glauber" y al Parch natural Trëi Pizes de Lavarëi. An pó dé jö les operes ciamó cina ai 30 de setëmber dl 2017.
|
|
|
|
|
Le Fotoclub Val Badia mët a jí por l'ann 2017 indô le concurs de fotografia, davert a düc, cun le tema "ghel". Pro chësc tema tomel ite düc i retrac olach'al vëgn dant le ghel, te na forma prevalënta o ince ma te details dl retrat. Lapro aldel por ejëmpel fotografies macro, mo ince de vigni sort d'atres fotografies de contrades, crëp, ciüf, ogec artifiziai, porsones, fates jö belanfat ola.
|
|
|
|
Le fotoclub Val Badia á le plajёi de Ves invié, en jöbia, ai 14.09.2017, dales 20.30, tl Istitut Ladin "Micurá de Rü" a San Martin de Tor, a na proieziun de fotografies en record dl conesciü fotograf Hans Pescoller. Le tema sará la natöra y le chit dl Islanda y an podará odёi a ci che le fotograf ti á de importanza te so iade. Hans Pescoller se á de jö te süa ativité da fotograf cun le monn ladin y á ince de fora libri che reverda süa tera. Al é ince sté mёmber dl fotoclub Val Badia y di fotografs dla natöra de Südtirol „Strix".
|
|
|
Ala fin de ma él sté le Fotoclub Val Badia che á organisé n curs de fotografia macro sön Armentara, cun le fotograf dla natöra Helmut Elzenbaumer.
Fotografia - Sёgn de ma él la natöra che salüda cun i bi corusc y s'inviёia da sté alaleria. Do l'invern él la natöra che nes mostra i ciüfs cun n gran contrast y nes inviёia insciö da se tó do l'aparat da fá jö o le fonin canche i jun a pe. Deache i un les condiziuns ideales por la fotografia sö alalt, él sté le Fotoclub Val Badia che á orü organisé n curs de fotografia macro. Ai 27 de ma é i partezipanc gnüs acompagná dal referёnt Helmut Elzenbaumer, y te chёsta ocajiun ti él gnü dé consёis da fá jö y al é gnü mostré furbaries, sciöche an pó adoré l'aparat da fá jö. Te na incuntada denant...
|
|
|
|
Le Fotoclub Val Badia mët a jì n curs da fà jö por prinzipianc'. Le curs gnarà partì sö danter 3 dis. Ai 26 de Má na sëra de teoria, 27 de Má dé de pratica alaleria y ai 30 de Mà proieziun dles fotos fates y discusciun. Le curs vëgn tignì tl salf dla Cassa Raiffeisen Val Badia a San Martin de Tor. Tratan le curs gnaràl fat na picia introduziun al monn dla fotografia, splighé le funzionamënt di aparac' da fà jö y sön ciche an dess ciarè por fà de beles fotografies. Chi che à ligrëza da fà jö y che oress tó pert al curs po s'anunzié pro Helmut Elzenbaumer (tel. 338 7941256) o tres e-mail:
This e-mail address is being protected from spambots. You need JavaScript enabled to view it
|
|
|
|
|
|
|
Plata 14 of 49 |