Home - Consëis da fà jö - Introduziun
Fá jö é en divertimënt! Feature1_320

Le Fotoclub Val Badia mët a desposiziun chëstes valgönes leziuns por capì val' de plü sura le monn dl fà jö. Indöt vëgnel publiché 11 leziuns che Ves daidarà da imparè y miorè Osta manira de fotografè.

La fotografia n'à nia de misterius y n'é gnanca plü co intant ria da imparè. Da mëte man él n pü' ri da capì la tecnica y la fisica che é doìa. Mo canch'an va n iade cun l'aparat da fà jö tla man fora por la natöra, spo vëgnel sborlé chisc details sotfunz ite y la ligrëza por la fotografia à la suravënta.

Mo por arjunje de bugn resultać y de beles fotografies ôl inće ester n savëi de basa.

Al dedaincö àn cun la fotografia digitala la poscibilité da odëi atira le retrat, apëna ch'al é gnü fat, sön le schermo. Insciö pòn ćiamò porvè sön le post, da fà jö de plü iadi le motif, ćina ch'an é cuntënć cun la fotografia ch'an à fat. Automaticamënter mëton man de studié y capì plü avisa le motif y les manires de fà jö. Mo por arjunje n cer' livel él mau n n tru, chël de imparè n pü' de teoria y spo fà jö, fà jö, fà jö...

Al é na bela sensaziun canch'an vëiga che la cualité dles fotografies ch'an fej vëgn da iade a iade tres miù. Y n'él nia val' de bel da podëi spo tachè sö, por ejëmpl te ćiasa, sües operes d'ert impéde che fotografies cumprades da zacai d'atri?

Motifs ciafon indlunch, an mëss ma jì ai chirì.


Por desćiarié jö l' introduziun te n format PDF drüca: Introduziun.pdf