 Premiaziun dl concurs fotografich dl Fotoclub Val Badia, cun daurida dla mostra. I pröms trëi é Walter Oberlechner y Freddy Sottara (mancia sön la foto).
Foto1: Dmc Walter Oberlechner 1. y 2., le presidënt dl Fotoclub Helmut Elzenbaumer, Ulrike Ploner 7. post y Claudio Debiasi 5. + 8. post.
FOTOGRAFIA »Aisciüda« ê le tema dl concurs de fotografia che le Fotoclub Val Badia á metü a jí en chësc ann. En sabeda ai 09 de novëmber él gnü a s'l dé tl salf dl Istitut Ladin a San Martin la premiaziun. Döt adöm él gnü mené ite 34 retrac che documentëia la natüra canche ara cambia dala nëi y frëit a na nöia vita.
Les fotos é spo gnüdes valutades da na juria metüda adöm da Sepp Hackhofer, Norbert Scantamburlo, Ivan Castlunger y Helmuth Elzenbaumer – che á valuté i aspec desvalis, sciöche idea, incadratöra, corusc, espresciun y sambëgn motifs. Al pröm post y secundo post él gnü premié les fotografies de Walter Oberlechner da Pfalzen, cun le retrat de Leberblümchen che se spidla.Dër espressiva é la foto che á arjunt le secundo plazamënt, olache le fotograf Walter Oberlechner a fat jö en arosch che fesc la verda a sü üs. Al terzo post s'á plazé le fotograf Freddy Sottara da La Val cun na foto che mostra en mer de milandures dan na tempesta de plöia. Por la pröm classifiché á le Fotoclub metü a desposiziun n pest de 250,00 €, por le secundo 200,00 € y por le terzo 100,00 €; pesć él sté cina al 10. classifiché, olache i ciafun ince Claudio Debiasi (5. + 8. post), Ulrike Ploner da Badia (6. + 7. post) y Paul Erlacher cun le 10. post. La mostra resta daverta cina ala find de Novëmber Les fotos plü particolares é gnüdes metüdes fora te na mostra, che é da odëi ciamó cina ala fin de novëmber, tl salf dl Istitut Ladin a San Martin, tratan i orars de daurida dl Istitut: dal lönesc ala jöbia dales 10 ales 12 y dales 14 ales 17, le vëndres dales 10 ales 12.
Dessot pon ciafá la galeria dles atres fotos dades jö dal concurs 2024. Les fotos é gnüdes metüdes ite a cajo, nia dô la tlassifica. GALLERIA Concursc di agn assá: Concursc |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|