|
Fotografia macro
Ći podunse pa imparè te chësta leziun? De pices cosses te n iade dër granes. Cun obietifs macro pòn jì a descorì n gröm de cosses a chëres ch'an ne ti mët gonot gnanca averda o che é apëna da odëi cun i edli.  Avënes de na föia
Plü ch'an é bugn d'ingrandì sö le detail, plü bel ch'al é L'archirida de motifs nüs é sciöche n iade de descorida, olach'an mëss dagnora tignì i edli daverć. Por mëte man cun la fotografia macro n'adorun nia i ne sa ma nia ći aparać y obietifs. Al basta che l'aparat ais la funziun da controlè la profondité de ćiamp, n comand a destanza y n gran (Sucher). Por ći che reverda la destanza focala pòn instësc se chirì fora n obietif che va bun (ćiara zoruch ala cuinta leziun). Na destanza focala de 105 mm va zënz'ater bun, inće deache chësta sort de obietif à ćiamò na buna cualité de löm de 1:2.8. Por fà de beles fotografies macro ôl inće ester n bun statif che se lascia slarié de almanco 85° - 90°, por ch'an pois le lascè jö oramai daldöt iaportera, daimprò dal motif. Statifs cun na stangia amez (Mittelsäule) da podëi alzè y arbassè ne va nia cis bun por la fotografia macro. Co fà por imparè tosc da fà de beles fotografies Inće pro la fotografia macro vêlel les regoles generales che é bele gnüdes spligades tles prömes leziuns, mo te chësc contest cùntel dantadöt le savëi da mëte a füch le dër punt y da regolè indortöra la profondité de ćiamp, deache plü daimprò ch'an ti va cun l'aparat al motif, plü picera che la profondité de ćiamp vëgn. Te chësc caje mësson mëte a füch sön n punt dër avisa y eventualmënter pòn porvè de aumentè la profondité de ćiamp stlujon le diafram zënza rové sura n f/16. Le sensor (Sensorenebene) messass poscibilmënter ester te na posiziun paralela respet al motif. Sce ara ne va nia da mëte a füch le motif, spo désson se conzentrè sön n elemënt dancà, a na manira che döt le turgher cüres la lerch incërìa.  Bromores cöcenes.
Trá lüm sura les piceres cosses Iluminé sö les pices cosses Pro la fotografia macro ôl ester tröpa löm, deache al vëgn laurè cun diaframs valgamia stlüć. Sce le sorëdl ne dëida nia él ri da fà na bela fotografia macro, ater co sc'an oj adalerch de plü löm cun val' sistem, sciöche n linzó che amplifichëia la löm che é (diffuser) o n flash.  Fotografia de na scorza zënza y cun flash.
 Fotografia de na scorza cun n flash: i details é bel da odëi.
 Detail de na viola. Por desćiarié l'otava leziun te n format PDF: Leziun_nr.8.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|