|
Portraits
Ći se vëgnel pa insigné te chësta leziun?
Da la tó avisa é n portrait n retrat de na porsona dal piet insö. Cun n portrait ôn mostrè l'ester o inće la personalité de na porsona. Impò pò les medémes regoles varëi inće sc'an fej jö la müsa de n tier o na scultöra. Te chësta leziun vëgnel splighé les regoles prinzipales.  Statua de na möta Löm de Rembrandt
A pêr les fotografies de natöra, él dër tröc che fej ion jö i amisc o la familia. Y inće pro chësta sort de fotografia à la löm tröpa importanza. Cun d'atres parores podesson dì che le control dla löm é n vantaje por le fotograf. Da mëte man mësson tó cà la löm naturala che é sön le post olache la fotografia vëgn fata (la löm dl sorëdl). Chësta löm po se mudé cotan tratan le dé, porchël vëgnel inće baié gonot dl'ora d'or o dl'ora magica. De regola se tratera dla pröma y dl'ultima ora dl dé. Te chësc tëmp é la löm dër ćialda y sterscia. Dantadöt por la fotografia de contrades é chësta löm la plü ideala ch'an po abiné. Sura misdé é la löm massa döra y porchël va i corusc a perde, ai devënta „plać". Sce le cîl é n pü' da niores, spo vara bele damì, deache ares partësc sö danü la löm (diffusor). La löm che vëgn filtrada dales niores é na löm bela y naturala, che ne pò gnì sostituida da degun flash. Sce le cîl é bröm, spo fossel damì da fà jö les porsones t'ambria. Na manira particolara de adorè la löm é chëra che tôl ispiraziun da Rembrandt. Chësc depenjadù é conesciü inće deache la fontana dla löm te sü depënć ê dagnora o döt a man dërta o döt a man ciampa respet al motif. Porchël vëgnel ma iluminé öna na pert dla porsona, l'atra pert sparësc prësc daldöt tl'ambria. Chësta é na tecnica che vëgn adorada dër tröp, deache ara pîta la poscibilité de n efet dramatich.
 Portraits: Rembrandt & Goldhelm Por ći che reverda la poscibilité de adorè n flash él bele gnü splighé de plü cosses tla cuarta leziun. Sce ara va él dessigü damì da ne tó degun flash y porchël desson dagnora naôta porvè de fà jö cun la löm naturala.
Ćiodìpa nia de plü co ma dal piet insö?
Le retrat tlassich é dessigü chël olach'an vëiga ma n terz dla porsona cun le zënter dla müsa. Mo al esist inće d'atres sorts de portraits, cun n ambiënt spezifich incërìa (Umfeld-Porträt). Chësta sort de portrait é caraterisada dal fat ch'an vëiga nia ma la porsona, mo inće l'ambiënt che é incëria. Por ejëmpl n paur y la stala, na möta sön n banch y i.i. Les poscibilitês é infinides. Le vantaje de chësc retrat é che l'ambiënt incërìa po inće dì fora tröp sön la porsona tla fotografia. Indicaziun: porvéde inće da fà portraits a blanch y fosch, che po ester n punt de forza de na fotografia de portrait.  Portrait: möta cun le ćian.
 Portrait: ćian te na gücia, daimprò y dalunc. L'obietif plü adatè |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|