|
|
 Ai 20 y ai 21 de setëmber vëgnel organisé da Pixcube.it y Nikon en colaboraziun cun l'Ofize Parcs naturai n laboratore fotografich tl Parch natural Fanes-Senes-Braies. „Les fotografies", spliga Renato Sascor, responsabl dl Parch natural Fanes-Senes-Braies „nes mostra la belëza dla contrada y aumentëia insciö la sensibilisaziun por le respet por la natöra." |
|
|
|
|
|
|
La Fondaziun Dolomites Unesco mët da jì por l'isté 2014 la pröma ediziun dl Labfest dles Dolomites Unesco dai 5 ai 7 de setëmber a La Val. Le festival ti dedichëia süa pröma ediziun al tema da munt dl "sié", che gnarà presentè te sü aspeć plü desvalis adoran formes jornalistiches, artistiches y musicales.
|
|
|
|
|
|
La stüa, che é stada secui alalungia la ćiamena prinzipala dla ćiasa tles valades ladines y te döt le Tirol, é la protagonista dla mostra temporana "Le cör dla ćiasa - La stüa tla Val Badia", inaudada incö, vëndres ai 18 de messè dl 2014, tl Museum Ladin Ćiastel de Tor a San Martin de Tor dal assessur provinzial por la cultura ladina y i museums Florian Mussner y dal diretur Stefan Planker.
|
|
|
|
|
|
DOLOMITES UNESCO LABFEST: cunta les Dolomites Patrimone Mondial Dl' Umanité y ascuta le cor dles usc ch' abitëia amesa les munts. Al é na sfidada y n invit a se lascé aldí.
|
|
|
|
|
|
L' Fotoclub Val Badia inviëia düć ala proieziun de fotos de Christian Trebo dal titul: Scandinavia, Russia y Mongolia. La proieziun é in jöbia ai 22 de Má a San Martin tl Istitut Ladin Micurà de Rü, dales 20:30.
|
|
|
|
|
|
|
| Plata 31 of 51 |
