Ai 26 de jügn dl 2009 é le Dolomites gnüdes detlarades ofizialmënter patrimone universal dl’umanité dal Unesco. La majera pert dla jënt vëiga chësc reconoscimënt sciöche na ocajiun por valorisé deplü le raiun, tres la creaziun de museums, posc d’osservaziun y istituziuns por l’inrescida scientifica. Important él dessigü ince che la jënt, chi da chilò y i foresc, impares da conësce tres deplü y damì les Dolomites, deache mâ dailò pòn les aprijé por le valur ch’ares à.

Dai 9 de messè ćina ai 3 de agost él da odëi a Corvara la bela mostra de fotografies sön i Parcs Naturai de Südtirol dal titul "Schauen und Sehen - Naturparks Südtirol", che roda fora por les plazes de döt Südtirol.

En ocajiun di 15 agn dala fondaziun dl Fotoclub Val Badia, metü sö impröma sciöche seziun dla Uniun di Ladins, y dal 2000 incà sciöche uniun autonóma, vëgnel tignì tl Museum Ladin Ãiastel de Tor na mostra coletiva dal titul „Comunicaziun tres la fotografia“. 18 fotografs scriã ite al Fotoclub presentëia retraã de natöra, contrades, tiers y porsones da chilò, mo inãe de d’atres perts dl monn.

Gran interesce à albü incè cösta ota le curs da fà jö. Ben 16 porsones s´à abiné na sera tl salf dla Raiffeisen a San Martin por na sëra de „teoria“ – L´ era digitala à incé pié pè tal ciamp dl fà jö y á sciüré sö en gröm de dübi y domandes danter y partecipanć, mo dal ater vers ál ince endô descedé gran interess.