In chësc ann  ê le tema prinzipal: CÖCE

Fotoclub Val Badia: n concurs interessant y na bela mostra

Al é bele cotan d’agn che le Fotoclub Val Badia mët a jì concursc da fà jö y mostres de fotografies y trames les iniziatives vëgn vigni ann tutes sö valgamia bun dai apascionà dla Val Badia, mo inće da foradecà. En chësc ann 2012 él gnü chirì fora le corù „cöce“ sciöche tema dl concurs y dla mostra, ći che à dër plajü, sc’an ćiara ai 34 fotografs che à tut pert cun bëgn 143 retrać.