 En gaujiun dl ”Ann Internazional dla Colaboraziun tl setur dl’ega” vëgnel metü da jì n concurs de fotografia olache al vëgn chirì motifs y retrać dl’ega tl Parch Natural de Pöz-Odles.
Le concurs vëgn invié ia dala Ćiasa dl Parch Pöz-Odles y la Biblioteca da Fones. I apascionà de fotografia é invià da se dè jö cun le tema dl’ega te dötes sües formes y sü corusc, y da abiné te na foto tan desvalia y demorvëia che l’ega po ester. I retrać mëss ester fać tl parch natural Pöz - Odles, y po gnì dà jö ćina al 31 d’agost 2013 diretamënter tla Ćiasa dl Parch a Santa Madalena, o inće menà ite por posta. Na juria de esperć valutarà les fotografies y premiarà i retrać plü bi tles categories ”mituns” y ”gragn”.
La premiaziun gnarà tignida ai 20 de setëmber dales 18.00, tla Ćiasa dl Parch. Por les 15 fotografies plü beles de intrames les categories él preodü de bi pesć, y i pröms 8 podarà se confortè a na ”escursciun fotografica” tl parch natural cun Sepp Hackhofer. L’escriziun y i formulars dl concurs ciafon tla Ćiasa dl Parch Pöz - Odles, tla biblioteca de San Pire o diretamënter sön le sît www.provinz.bz.it/natur-raum. Por informaziuns plü menüdes pòn cherdè sö tla ćiasa dl parch al 0472/842523 - mail This e-mail address is being protected from spambots. You need JavaScript enabled to view it , o tla biblioteca da Fones al 0472/840410 - mail This e-mail address is being protected from spambots. You need JavaScript enabled to view it . Ausschreibung_Fotowettbewerb_dt.pdf Bando_di_concorso_fotografico_it.pdf A3_Flyer_Fotowettbewerb.pdf Flyer_dt.pdf Flyer_it.pdf Por plü informaziuns drüca sön la plata internet injuntada:
|
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|