 Al é oramai döes pice edemes che la Cassa Raiffeisen Val Badia à metü man de partì fora pro sües portines le calënder da parëi por le 2009. „Formes y corusc dla natöra“ é le tema dl calënder che se presënta te na iesta nöia y cun de beles fotografies de contrades, de munts y de tiers. I auturs di retrać é Helmut Elzenbaumer da La Val, Alfred Erardi da Ehrenburg y Paul Erlacher d’Al Plan, la coordinaziun y i tesć de Werner Pescosta de Badia. Düć cater é mëmbri dl Fotoclub Val Badia che dëida bele da zacotan d’agn incà da arjigné le calënder dla Cassa Raiffeisen. Por ot agn él gnü tratè tematiches che reverda l’economia, l’agricoltöra, l’artejanat, le turism, la sozieté, les assoziaziuns y la vita da vigni dé tla Val Badia. En chësc ann abelësc trëdesc retrać de natöra, fać jö te nosta valada, le calënder. Cun l’aodanza ch’al pois Ves plajëi, inviëia la Cassa Raiffeisen düć sü tliënć da passè te sües sëntes a se tó chësta scincunda... |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|