Pro chësc tema tómel ite düć i retrać olach'al é ciüf da odëi (fotografies macro, olach'an vëiga ma details, sciöche inće fotografies de pra o de contrades da na bela flu, fates jö belanfat te ći pert dl monn).
Les 30 plü beles fotografies gnarà metüdes fora te na mostra che é preodüda por l'altonn 2011. Les 10 fotografies plü beles gnarà chirides fora da na juria metüda sö dal Consëi dl Fotoclub y premiades cun la soma de 250, 150 y 100 €uro por i pröms trëi posc y de 25 €uro dal 4. al 10. post.
Regolamënt:
- Le concurs é davert a düć.
- Les fotografies mëss gnì menades te na busta stlüta al Fotoclub Val Badia, Pares 10, 39030 La Val
Pro vigni fotografia déssel inće gnì metü laprò n titul o na descriziun.
Te na mëndra busta stlüta da injuntè pro les fotografies, mëssel gnì metü ite n zetl cun inom, cognom, misciun de chi ch'à menè les fotografies.
- Le terminn da dè jö les fotografies é ai 19 de setëmber 2011
- Les fotografies mëss gnì dades jö tl format 20 x 30 cm.
- Vigni partezipant al concurs po dè jö alplü 5 fotografies a corusc o a blanch y fosch.
- Les fotografies po ester fates cun aparat digital o analogh (film tradizional).
- Les fotografies ne gnarà nia dades zoruch y ares gnarà metüdes pro l'archif dl Fotoclub Val Badia (l'archif é regolè aladô dl statut dl Fotoclub Val Badia).
- Les fotografies plü beles, gnarà metüdes fora dala mostra de fotografies dal medemo titul dl concurs "Ciüf" che gnarà organisada dal Fotoclub Val Badia da d'altonn dl 2011.
- I fotografs premià gnarà informà personalmënter tres lëtra.
- En ocajiun dla daurida dla mostra gnaràl inće fat la premiaziun dles plü beles fotografies dl concurs.
- Menan ite les foto, ésun inće a öna cun chësc regolamënt.
Por udëi le regolamënt in pdf drüca: Regulament_concurs_2011.pdf
|
