 Düc’ i apascionà da fa jö é invià da tó pert cina ai 2 de otober 2011 al concurs fotografich “Click La Crusc”, dal tema dl isté 2011 “Le bosch tles Dolomites”. Düc’ chi co à arjunt la majera eté pò tó pert y mené ite tres internet cina dües foto tl format .jpg cun dimenjiun 2 – 5 MB. Les foto dess reverdé le raiun dla Crusc a Badia y respetè le tema dl isté 2011. An pò vadagné de bi pesc’, nanter chisc n fin dl’ edema por dües porsones te n hotel a trëi stëres a Badia + skipass Alta Badia, n edema de imprëst de schi o snowboard c/o Ski Rental&Service Skiland, na cherta “mountainpass” por l’ isté 2012 y atri bi pesc’.
Por informaziuns plö avisa podëise vijité la plata internet dal organisadú Implanc’ portamunt dla Crusc www.santa-croce.it. I davagnadus gnará publicà anter le 15 de novëmber 2011 söl sit internet dal organisadù. Düc’ é bel invià a tó pert!
Concorso_fotografico.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|