 En gaujiun dl secundo aniversar dal’iscriziun dles Dolomites tla lista di bëgns dl UNESCO, à la Provinzia de Pordenone, adöm cun l’ CRAF – Centro di Ricerca e Archiviazione della Fotofrafia si Spilimbergo (PN), la Fondazione Dolomiti – Dolomiten – Dolomites – Dolomitis UNESCO, la LABA – Libera Accademia di Belle Arti di Firenze, la FIAF – Federazione Italiana Associazioni Fotografiche y cun la colaboraziun dles revistes Digital Camera Magazine, FOTO Cult, Fotografia Reflex, Il Fotografo, metü a jì la 1° ediziun dl concurs internazional de fotografia: La cartolina delle Dolomiti premio Dino Buzzati.Chilò ciafëise n estrat dl regolamënt. Le regolamënt intier ciafon eventualmënter sön les plates internet: www.settimanadolomitiunesco.it y www.craf-fvg.it Le concurs de fotografia é davert a düć, amaturs y profescionisć, de dötes les nazionalitês, che à arjunt la majera eté. Chisc vëgn partis sö te döes seziuns: Seziun A – fotografs amaturs y profescionisć Seziun B – studënć dles scores altes y universitars che à arjunt la majera eté An po menè ite alplü 5 fotos digitales, a blanch y fosch o a corusc, che à sciöche referimënt i 9 raiuns dolomitics reconesciüs sciöche patrimone dl’umanité dal UNESCO: 1. Pelmo, Croda da Lago; 2. Marmolada; 3. Pale di San Martino, San Lucano, Dolomiti Bellunesi, Vette Feltrine; 4. Dolomites Furlanes y d’Oltre Piave; 5. Dolomites Setentrionales; 6. Pöz-Odles; 7. Scilier-Ciadenac, Latemar; 8. Bletterbach; 9. Dolomites dl Brenta. L’argomënt dl concurs é da öna na pert i raiuns dles Dolomites Patrimone dl UNESCO cun sües particolaritês dl paesaje, geologiches y geomorfologiches, aratades de gran valur dal Comité dl UNESCO, y dal’atra pert inće l’ambiënt de vita dla porsona y l’architetöra di paîsc y dles localitês storiches di Comuns che tóma ite tles zones indicades tla perimetraziun che é gnüda fata dal UNESCO. Dorada dl concurs y modalité de partezipaziun: La partezipaziun al concurs é debann. Les fotografies pò gnì menades ite dai 1. de setëmber dl 2011 inant. L’ultim terminn por podëi les dè jö tóma ai 30 d’aurí 2012 dales 12.00 da misdé.
 Pesć Fotografs dla Seziun A 1° pest: 3.000 euro – 2° pest: 2.000 euro – 3° pest: 1.000 euro. Por i tlassificà dal 1° al 20° post él implü ćiamò n abonamënt anual a na revista da podëi chirì fora danter Digital Camera Magazine, FOTO Cult, Fotografia Reflex o Il Fotografo. L’assegnaziun di pesć gnarà fata a discreziun dl’organisaziun. Por chi che s’à tlassifiché danter le 21° y le 100° post él n liber de fotografies. Al pò inće gnì assegné pesć de 300 euro por fotografies de valüta particolara che é tomades fora dles prömes trëi, ćina n mascim de 5 fotografies. Fotografs studënć dla Seziun B 1° pest: 500 euro – 2° pest: 400 euro – 3° pest: 300 euro. Dal 1° al 20° post él laprò ćiamò n abonamënt anual a na revista da podëi chirì fora danter Digital Camera Magazine, FOTO Cult, Fotografia Reflex o Il Fotografo. L’assegnaziun di pesć gnarà fata a discreziun dl’organisaziun. Por chi che s’à tlassifiché danter le 21° y le 100° post él preodü n liber de fotografies. Al pò inće gnì assegné pesć da 100 euro por fotografies de valüta particolara che é rovades fora dles prömes trëi, ćina n mascim de 5 fotosgrafies. Chi che s’à tlassifiché danter le 1° y le 30° post pò inće tó pert debann ai cursc de fotografia organisà dal LABA y dal CRAF tl ann 2012. Les fotografies premiades y chëres che é gnüdes premiades cun n pest particolar a pert gnarà metüdes fora, adöm cun d’atres 100 fotografies selezionades, en ocajiun dla mostra „La cartolina delle Dolomiti – premio Dino Buzzati“ y publicades te n liber de fotografies.
IT_2011_RegolamentoConcorso_FINALE.pdf |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|