Home - News - Dolomites UNESCO 2040: Strategies por le patrimone mondial
12news.aspL'evaluaziun de önesc workshops sön le dagní dles Dolomites patrimone UNESCO á porté a na gran cuantité de idees y de propostes. Plü co 500 porsones dl post y interessá á tut pert ales discusciuns, na suraodüda di resultac gnará presentada ai 29 d'agost tl contest dl Dolomites Labfest a Auronzo di Cadore.
Ti mëisc de ma y jügn él gnü tigní te döt le raiun dles Dolomites patrimone UNESCO önesc workshops sot al titul „#DOLOMITES2040 – Idees y propostes por le dagní". Cun l'aiüt de moderadus é i partezipanc gnüs partis sö te plü grups de debatüda olache ai á presenté sües propostes por n svilup sostenibl dl teritore dles Dolomites patrimone UNESCO. I partezipanc á sotligné danterater le rode fondamental di parcs naturai y l'importanza dl'armonia danter la sconanza dla natöra y le svilup economich de bëgnester.

Al è ince gnü baié di bojëgns dl'agricoltöra da munt, dles politiches por i jogn, dl prigo dl spopolamënt di raiuns da munt y dl bojëgn de n coordinamënt unifiché dles mosöres de informaziun y ambiënt danter les aministraziuns interessades. Al é ince gnü tigní döes sentades tl Südtirol, y plü avisa a Badia y Nöia Ladina (Welschnofen). „I workshops é stá na buna ocajiun por i abitanc dles Dolomites da porté ite sües reflesciuns sön le svilup dles Dolomites patrimone UNESCO", á splighé l'assessur por l'ambiënt Richard Theiner che é ince presidënt dla fondaziun Dolomites UNESCO.

I resultac dles mëses torones de discusciun gnará integrades te na seria de stüdi y inrescides che á l'obietif da ciafé n conzet ampl de gestiun dl bëgn dla natöra y dla contrada dles Dolomites. Chësta strategia de proteziun dl teritore ti gnará spo presentada ai ispeturs UNESCO che gnará a ejaminé les Dolomites tratan l'ann 2016. Na presentaziun monüda di resultac gnará ince fata ai 29 d'agost tl contest dla secunda ediziun dl „Dolomites UNESCo LabFestes" a Auronzo di Cadore tla Provinzia de Belun.
Plü informaziuns é da ciafé sot a: www.dolomitiunesco.it.