Home - News - Ti ciaré ala natöra cun la fotografia macro
1232017Ala fin de ma él sté le Fotoclub Val Badia che á organisé n curs de fotografia macro sön Armentara, cun le fotograf dla natöra Helmut Elzenbaumer.

Fotografia - Sёgn de ma él la natöra che salüda cun i bi corusc y s'inviёia da sté alaleria. Do l'invern él la natöra che nes mostra i ciüfs cun n gran contrast y nes inviёia insciö da se tó do l'aparat da fá jö o le fonin canche i jun a pe. Deache i un les condiziuns ideales por la fotografia sö alalt, él sté le Fotoclub Val Badia che á orü organisé n curs de fotografia macro. Ai 27 de ma é i partezipanc gnüs acompagná dal referёnt Helmut Elzenbaumer, y te chёsta ocajiun ti él gnü dé consёis da fá jö y al é gnü mostré furbaries, sciöche an pó adoré l'aparat da fá jö. Te na incuntada denant...
ti él gnü splighé ai amanc dla fotografia la teoria, ci impostaziuns che al ó ester por che al garetes la fotografia macro. Pro l'escurjiun alaleria messâ spo i partezipanc desmostré sce ai ê bogn da mёte tla pratica ci che ai â imparé denant.

Al é sigü interessant da fá jö i ciüfs dёr daimpró y odёi dedô le resultat sön le computer. I partezipanc á desmostré na gran creativité sciöche an pó ti jí pormez ala tematica dla fotografia macro. Les formes y i detais che an pó odёi á afasciné düc chi che á tut pert al curs. Le curs é gnü stlüt jö cun na sёra, olache i partezipanc á podü odёi les fotografies de düc y le referёnt Helmut Elzenbaumer á ciamó podü ti dé valgügn consёis por che les fotografies garetes damí. I partezipanc á podü passé n bel de tla natöra y se ralegré dles conescёnzes por ci che reverda la fotografia macro. Le Fotoclub Val Badia ti aoda ai partezipanc che la pasciun por la fotografia restes inant. (Rudi Moling)