Home - News - Termin Concurs ann 2018 - Architetöra tla Ladinia y fora por le monn
001_foto_usc_architetraLe Fotoclub Val Badia mët a jí por l'ann 2018 indô le concurs de fotografia, davert a düc, cun le tema " Architetöra tla Ladinia y fora por le monn ".

Pro chësc tema tomel ite düc i retrac olach'al vëgn dant l'architetöra, te na forma prevalënta o ince ma te details dl retrat. I partezipanc vёgn inviá da dé jö fotografies dla Ladinia y de iadi fora por le monn.

Les 30 plü beles fotografies gnará metüdes fora te na mostra da d'altonn y les 10 plü beles, chirides fora da na iuria, gnará premiades cun la soma de 250, 150 y 100 euro por i pröms trëi posc y de 25 euro dal 4. al 10. post.
Vigni partezipant al concurs po dé jö alplü 5 fotografies sön chësc tema, meton pro vigni fotografia le inom dl fotograf y en titul/descriziun.

Les fotografies po gní dades jö sön CD/DVD, „usb-stik" o cun le sistem de trasmetüda de dac https://www.wetransfer.com/ ala mail This e-mail address is being protected from spambots. You need JavaScript enabled to view it .

Le format mëss ester jpg y mëss avëi almanco 5 mega pixel.

Les fotografies sön CD/DVD o „usb-stik" mëss gní menades te na busta stlüta al: Fotoclub Val Badia, Str. Pares 10, 39030 La Val.

Al vёgn recordé che i partezipanc dl concurs dess mené n file Word Dati_fotografo.docx cun inom, misciun y mail al fotoclub, por podëi gní contatá sce ai á davagné.

L'ultim termin por dé jö les fotos é le 16 de setёmber.