La iuria é indô gnüda cherdada ite por chirí fora les fotografies, y an pro dagnora da moscedé les porsones, ares ne dess nia fá pert dl medemo ciamp, deache al dess nasces na discusciun canche an chir fora les fotografies. Chёsc ann ál fat pert dla iuria Norbert Scantamburlo (presidёnt dl fotoclub da Bornech), Sepp Hackhofer (ex-presidёnt dl Strix), Castlunger Ivan, Carlo Dapoz y le graficher y artist Edmund Nagler. Chisc á messü chirí fora danter plü de 76 fotografies y les plü beles é spo gnüdes tutes por la mostra. 10 fotografs é gnüs premiá pro la daurida dla mostra, mo a düc ti val n gran complimёnt, ai s'á dёr porvé! Les fotografies sará spo da odёi te internet sön la plata dl fotoclub Val Badia. 

Le pröm post ti é jü chёsc ann a Claudio Debiasi, fotograf de alt livel, che sá da lauré cun la löm y mët le monn dla musiga tl zënter de so laur. Tla fotografia vëigun le strumënt y tröc details lapró cun le fosch iadedô y chësc ti dá na gran forza ala composiziun. Le soné dla protagonista ti dá n sentimënt de positivité, la musiga se fej sté bëgn.
Al secundo post é rové Oswald Ganthaler che se mostra na fotografia, olache la realté ne é nia tlera, an mëss se tó le tëmp por la codifiché y chirí les cosses a chëres che nos ti dun importanza. La fotografia é te chësc cajo n monn d'ilujiun, i ne savun nia olache ara se porta y respostes ne ciafunse degönes.
Al terzo post é rové Silvia Passoni, y an vёiga l'amur por le corú che se möi y se moscëda cun le monn inciaria. Le bel de chësta fotografia é sigü de odëi na liberté tla fotografia, sciöche döt se mosceda, zënza na logica y razionalité.

Da segnalé él ciamó i fotografs che é rová ti pröms diesc, chiló él da nominé
al 4. post Erardi Alfred,
al 5. post Oswald Ganthaler,
al 6. post Ploner Frida,
al 7. post Renate Kostner,
al 8. post Alfred Erardi,
al 9. post Ulrike Ploner
y al 10. post Rungger Florian.

La La mostra restará daverta cina en vëndres, ai 22 de novëmber, tratan i orars dl Istitut: lön. - jöb. (10.00 - 12.00) - (15.00 - 17.00) y vën. (10.00 - 12.00).

Rudi Moling

 

1° post Claudio Debiasi	2° post Oswald Ganthaler	3° post Silvia Passoni

  

4° post Alfred Erardi	5° post Oswald Ganthaler	6° post Frida Ploner	7° post Renata Kostner

8° post Alfred Erardi	9° post Ulrike Ploner	10° post Florian Rungger

                                                                                                


Dessot pon ciafè la galeria dles atres fotos dades jö dal concurs 2019. Les fotos dô le 10° post é gnüdes metüdes ite a cajo, nia dô la tlassifica.

Por udëi la galeria de dütes les atres fotos drüca: Concurs2019

 

Por odëi le regolamënt dl concurs de chësc ann drüca: Regolament_Concurs_2019.pdf