|
"Invern" pröm post a Claudio Debiasi"
![]() En Sabeda ai 7 de novëmber á le Fotoclub Val Badia premié i davagnadus y les davagnadësses dl concurs de fotografia dl 2026. Ince en chësc ann á le concurs pité l'ocajiun ai partezipanc da mëte en mostra sü talënc, partin sües imajes cun i apascioná de fotografia e mëmbri dl club. Le pröm post él sté le fotograf Claudio Debiasi che á podü pié do cun la fotografia "Nevicata Intensa" Le secundo post é jü a Helmut Elzenbaumer cun "Winter in den Dolomiten", deperpo che le terzo scalin dl podium é jü a Ulrike Ploner cun la fotografia "Le vënt sofla demez la nëi". La premiaziun é gnüda tignida tl Gran Salf dl Istitut Ladin te na cornisc picera mo plajora, les mius 20 fotografies é gnüdes metüdes fora y sará da odëi cina en chësc vëndres tl Istitut Ladin a San Martin. Le Fotoclub Val Badia oress ciamó n iade tó l'ocajiun da fá les audanzes ai davagnadús y rengrazié düc i partezipanc por avëi tut pert y contribuí al bun garaté de chësta iniziativa. La tematica dl concurs dl 2027 gnará spo comunicada ti proscimi mëisc cun la publicaziun dl programm dl fotoclub dl proscimo ann.
Dessot pon ciafá la galeria dles atres fotos dades jö dal concurs 2025. Les fotos é gnüdes metüdes ite a cajo, nia dô la tlassifica. GALLERIA Concursc di agn assá: Concursc
|










