 Le fotoclub Val Badia á le plajёi de Ves invié, en jöbia, ai 23.03.2023, dales 20.30, tl Istitut Ladin "Micurá de Rü" a San Martin de Tor, a na proieziun de fotografies di STRIX dal titul "Les Dolomites, n patrimone straordinar".  La grupa STRIX é metüda adöm dai mius fotografs dla natöra a livel de Südtirol y por le pröm iade mostrarái les plü beles fotografies tla Val Badia. Les fotografies é ince da ciafé te n liber che é gnü fora da püch. Valgügn de chisc fotografs á ince davagné a London pro le concurs a livel mondial "Wildlife fotographer of the year". De chësta uniun fej ince pert valgügn fotografs dl fotoclub Val Badia. Na bela varieté de fotografies de döt Südtirol sarál da odëi, dal paesaje, ai ciüfs cina ai tiers.  Le team dl fotoclub s'la inconforta da podëi Ves saludé dala sëra dla proieziun!  |
 | FotoClub Val Badia – Strada Pares, 10 – 39030 La Val – Cod.Fisc.: 98020920218 - mail: fotoclubvalbadia@rolmail.net
|